بارش کا قطرہ

بارش کا قطرہ جب بادل سے نکلا تو نیچے دریا کی وسعت دیکھ کر شرمندہ سا ہو گیا اور اپنے آپ کو حقیر سمجھنے لگا کہ دریا کے سامنے میری کیا حقیقت ہے۔ اس کی عاجزی اللہ کو پسند آگئی، سیپ نے منہ کھول دیا، دریا نے اسے اپنے اندر جگہ دی اور قدرت نے اس قطرے آب کو بادشاہ کے تاج کا موتی بنا دیا۔ جو بھی عاجزی (اِنکساری) کا دروازہ کھٹکھٹاتا ہے، وہی عزت پاتا ہے، اور جو فروتنی (عاجزی) اختیار کرتا ہے اسے بلند مقام دیا جاتا ہے۔

اللہ تعالیٰ نے انسان کو مٹی سے بنایا ہے، اس لیے اس کے لیے عاجزی اور انکساری ہی مناسب ہے۔ مٹی سے بنے ہوئے انسان کو آگ والوں کی طرح تکبر نہیں کرنا چاہیے، کیونکہ شیطان کو آگ سے بنایا گیا تھا اور اس نے اسی بات کو دلیل بنا کر اللہ کے حکم سے انکار کیا، جس کے نتیجے میں وہ ذلیل ہو گیا۔

جبکہ آدم علیہ السلام نے بھول سے ہونے والی غلطی کو بھی اپنے لیے بڑا عیب سمجھا اور اللہ کے سامنے گڑگڑانے لگے۔ اللہ تعالیٰ نے انہیں خلافت کا تاج عطا فرمایا۔ گویا تکبر نے ایک کو شیطان بنا دیا اور عاجزی نے دوسرے کو ابو الانبیاء کا مقام عطا کر دیا۔